Comfy by Chef's Stage (東廣場)

营业中

休息中

生完仔之後都好少帶埋狗仔同BB一齊出街，今次搵到間餐廳餐廳，真係好適合帶小朋友同毛孩去嘅地方！餐廳環境寬敞舒服，員工超級有愛心，見到有小朋友同狗狗都會主動關心，會主動同佢哋玩，真係好貼心！ 🍲 龍蝦湯一上枱就聞到濃郁嘅龍蝦香，湯質creamy得嚟唔會太膩，仲食到啖啖龍蝦肉碎，鮮味十足，配埋香脆法包，點住嚟食更加好食🍔 牛肉漢堡配薯條漢堡份量十足，牛肉juicy又有炭烤香，配上溶化嘅芝士同新鮮蔬菜，口感豐富。薯條炸得金黃脆身，點埋茄汁簡直一流！ 🍝 花椒味卡邦尼意粉呢個fusion菜好有驚喜！傳統卡邦尼嘅奶油香中帶微微花椒麻香，食落好過癮，意粉掛汁能力強，鍾意創新口味嘅必試！ 🍟 黑松露薯條松露香氣超濃郁，薯條熱辣辣，外脆內軟，灑滿芝士碎同松露醬，邪惡但停唔到口！ 🍰 Tiramisu甜品叫咗經典Tiramisu，咖啡同酒香平衡，口感軟滑，唔會太甜，為成餐畫上完美句號。 Comfy食物質素高，環境友善，員工態度滿分，無論係家庭聚會、朋友gathering，定係帶埋寵物一齊chill，都係絕佳選擇！一定會再encore！ 😊🐶👶