四季煲仔飯

突然想食煲仔飯，經過見到呢間舖頭好似好地道咁，就諗住入去試下。入到佢啲夥記已經勁冇禮貌一黎就掟個號碼牌落台，不過算啦食得呢啲都預咗。

落咗單之後足足等咗半個幾鐘，先上個蠔餅，再等多咗幾個字先有淥菜同煲仔飯。蠔餅好普通油益味好重，個菜就普普通通，個飯基本上就係蒸飯，冇飯先可以個底燶曬，好大陣燶味又唔係飯焦，啲飯又濕，茶樓蒸飯仲好食過佢，啲餸又少，講緊成90幾蚊一個煲仔飯。真係越食越谷鬼氣，又貴又難食仲要等咁耐。食完返去仲要肚屙，唉。睇返先知以前仲要排隊食，到底一間咁差嘅餐廳點解可以生存咁耐都仲有咁多人食...