Oasis Cafe & Party House (已易手) 新餐厅

呢度十分隠世，估唔到原来系旺角。今日去开整电话，同事话果度楼上有间西餐厅，话一定要试个意大利饭。上到去，叫左个龙虾汁海鲜意大利烩饭，整多个海鲜拼盘小食。先黎个海鲜拼盘，一睇我即刻好有胃口，卖相好靓，有蟹钳、薯条、炸虾、炸带子、炸鱼柳，全部都系卖飞佛，唔知以为自己开紧ＰＡＲＴＹ。蟹钳好大只，金黄色好靓，食落去好多肉，又有咬口。薯条唔系一般快​​​​​​​​​​​​餐厅果Ｄ，系原个薯仔切出黎炸，所以真系好好食。炸虾炸带子唔洗讲，点埋个泰式辣酱就唔会话感觉好热气，而佢个鱼柳有三条架，真系好满足。 再黎个龙虾汁海鲜意大利烩饭，落单时要求要半熟。查实我知道意大利饭真系唔容易煮，要做到有咬口，唔淋，又唔好太硬，真系要好有功夫先得。一黎，系真系好鬼香，上面有好多粒细带子同埋有青口。先试只青口先，食到有白酒同蒜味，令到只青口好香好鲜，味道好好，青口既鲜甜味道出哂黎。另外一样特别系个龙虾汁，渗透系饭粒之间，令到每一口饭食落口都有好浓郁龙虾味。饭粒真系做到半熟，所以系一粒粒好有咬口，好正，份量啱啱好，唔似有Ｄ地方得果少少到喉唔到肺。 跟餐有杯野饮，我叫左个巨峰提子乳酪，酸酸地几开胃，令我可以食多Ｄ野。而且