更多
2016-05-15
2023 浏览
呢度十分隠世,估唔到原来系旺角。今日去开整电话,同事话果度楼上有间西餐厅,话一定要试个意大利饭。上到去,叫左个龙虾汁海鲜意大利烩饭,整多个海鲜拼盘小食。先黎个海鲜拼盘,一睇我即刻好有胃口,卖相好靓,有蟹钳、薯条、炸虾、炸带子、炸鱼柳,全部都系卖飞佛,唔知以为自己开紧PARTY。蟹钳好大只,金黄色好靓,食落去好多肉,又有咬口。薯条唔系一般快餐厅果D,系原个薯仔切出黎炸,所以真系好好食。炸虾炸带子唔洗讲,点埋个泰式辣酱就唔会话感觉好热气,而佢个鱼柳有三条架,真系好满足。 再黎个龙虾汁海鲜意大利烩饭,落单时要求要半熟。查实我知道意大利饭真系唔容易煮,要做到有咬口,唔淋,又唔好太硬,真系要好有功夫先得。一黎,系真系好鬼香,上面有好多粒细带子同埋有青口。先试只青口先,食到有白酒同蒜味,令到只青口好香好鲜,味道好好,青口既鲜甜味道出哂黎。另外一样特别系个龙虾汁,渗透系饭粒之间,令到每一口饭食落口都有好浓郁龙虾味。饭粒真系做到半熟,所以系一粒粒好有咬口,好正,份量啱啱好,唔似有D地方得果少少到喉唔到肺。 跟餐有杯野饮,我叫左个巨峰提子乳酪,酸酸地几开胃,令我可以食多D野。而且
今日去开整电话,同事话果度楼上有间西餐厅,话一定要试个意大利饭。
上到去,叫左个龙虾汁海鲜意大利烩饭,整多个海鲜拼盘小食。
先黎个海鲜拼盘,一睇我即刻好有胃口,卖相好靓,有蟹钳、薯条、炸虾、炸带子、炸鱼柳,全部都系卖飞佛,唔知以为自己开紧PARTY。蟹钳好大只,金黄色好靓,食落去好多肉,又有咬口。薯条唔系一般快餐厅果D,系原个薯仔切出黎炸,所以真系好好食。炸虾炸带子唔洗讲,点埋个泰式辣酱就唔会话感觉好热气,而佢个鱼柳有三条架,真系好满足。
再黎个龙虾汁海鲜意大利烩饭,落单时要求要半熟。查实我知道意大利饭真系唔容易煮,要做到有咬口,唔淋,又唔好太硬,真系要好有功夫先得。一黎,系真系好鬼香,上面有好多粒细带子同埋有青口。先试只青口先,食到有白酒同蒜味,令到只青口好香好鲜,味道好好,青口既鲜甜味道出哂黎。另外一样特别系个龙虾汁,渗透系饭粒之间,令到每一口饭食落口都有好浓郁龙虾味。饭粒真系做到半熟,所以系一粒粒好有咬口,好正,份量啱啱好,唔似有D地方得果少少到喉唔到肺。
跟餐有杯野饮,我叫左个巨峰提子乳酪,酸酸地几开胃,令我可以食多D野。而且个卖相都好靓,我比较贪心,如果再大杯D就更好了哈哈。
地点一流,下次要再黎食佢个TEA SET!
张贴