影片
更多
2021-09-09
651 浏览
唔觉唔觉行到尖沙咀嘅厚福街，当然要去H8觅食啦👀👀同行友人话想打边炉，见一楼已经系重庆火锅，而且时间尚早有位可以即刻入座，最终老友扑锤决定一于食呢间过江龙哥老官啦🐉我地嗌左双拼汤底，一边辣一边唔辣，任得我选择😙主锅系哥老官嘅经典红油麻辣汤底；子锅则系外间小见嘅罗宋汤，酸酸甜甜咁劲开胃！开左锅就当然要去调酱啦～调料区🧂系餐厅近门口位置，干净企理，而且仲有小食可以等你系餐前填填肚仔最最最令我惊喜嘅系，呢间餐厅系有免费提供🧊🍋冰柠檬水㗎！众所就知，去打边炉其中一个必要支出一定系饮品，好多店家都未必会提供常温水，佢竟然有柠檬水提供，超级超级值得赞嘅一个贴心服务🙆🏻♀️放学小肉 （30串）餐前小食，记得一定要点孜然粉食，惹味到我地食唔停口👻清纯鸭血呢碟鸭血无记错嘅话，只系$58咋！大大碟超级抵食，而且好大块我地专登落左两个唔同汤底到试，索左汤味之后真系超香滑😻竹荪虾滑虾滑系我打边炉必点配料之一，今次嘅虾滑特别在于加埋咗爽口嘅竹荪，食落当然口感level double up啦！推荐大家一定要叫黎试！特色店家牛拼盘心思思想食牛但又唔想眼阔肚窄嗌到成枱牛？牛拼盘就啱哂你啦！一次比你试哂唔同部位之余，质
唔觉唔觉行到尖沙咀嘅厚福街，当然要去H8觅食啦👀👀
同行友人话想打边炉，见一楼已经系重庆火锅，而且时间尚早有位可以即刻入座，最终老友扑锤决定一于食呢间过江龙哥老官啦🐉
我地嗌左双拼汤底，一边辣一边唔辣，任得我选择😙主锅系哥老官嘅经典红油麻辣汤底；子锅则系外间小见嘅罗宋汤，酸酸甜甜咁劲开胃！
开左锅就当然要去调酱啦～
调料区🧂系餐厅近门口位置，干净企理，而且仲有小食可以等你系餐前填填肚仔
最最最令我惊喜嘅系，呢间餐厅系有免费提供🧊🍋冰柠檬水㗎！
众所就知，去打边炉其中一个必要支出一定系饮品，好多店家都未必会提供常温水，佢竟然有柠檬水提供，超级超级值得赞嘅一个贴心服务🙆🏻♀️
放学小肉 （30串）
餐前小食，记得一定要点孜然粉食，惹味到我地食唔停口👻
清纯鸭血
呢碟鸭血无记错嘅话，只系$58咋！
大大碟超级抵食，而且好大块
我地专登落左两个唔同汤底到试，索左汤味之后真系超香滑😻
竹荪虾滑
虾滑系我打边炉必点配料之一，今次嘅虾滑特别在于加埋咗爽口嘅竹荪，食落当然口感level double up啦！推荐大家一定要叫黎试！
特色店家牛拼盘
心思思想食牛但又唔想眼阔肚窄嗌到成枱牛？
牛拼盘就啱哂你啦！一次比你试哂唔同部位之余，质素仲绝对有翻咁上下🙌🏻
连对面果个食肉兽都忍唔住一路食一路赞啲牛超高质🐮
推荐指数10分满分嘅，我会比8分☺️
鲜虾云吞不过不失嘅鲜虾云吞～大大只，而且食得出材料系新鲜，唔系普通雪藏货色💦
大合照呀📷2个人食都可以好丰富好满足㗎！
世纪冰粉
食完一轮又点可以唔嗌个压轴既甜品呢？
意外地发现左怀旧而且非常打卡able嘅冰粉㊙️
一上甜品嘅时候忍唔住惊呼左句「哇，好大份呀！」
店员仲会好细心咁帮你拌好材料～
配料入面我最钟意有口感嘅提子干同埋谷物，加埋淡淡奶茶底，系几有特色嘅一道甜品黎！
🈵🈵🈵🈵🈵🈵🈵
哥老官总对会系我encore list入面！嘢食质素满分，而且店员超helpful，一路都好用心serve同场嘅客，位置阔落又舒服，喺食得开心满足嘅一餐呀！❤️🔥❤️🔥
张贴
