佢知道我鐘意食泰菜，
就帶我嚟附近呢間試吓。
呢間小廚無論名字、外觀都想像不到係泰菜，
原來同一招牌下，日間與夜晚經營不同嘅菜色，
夜晚先至有泰菜食架
食泰菜梗係要飲冬蔭功湯啦，
海鮮冬蔭公湯二人份$68
冬陰功湯好足料，
有鮮蝦、草菇、秀珍菇、蕃茄、洋蔥🧅
當然唔少得香茅、南薑、檸檬葉、芫茜。
湯水味道酸辣中帶鮮甜，
鮮蝦爽脆，最重要係有湯嘅靈魂 ~草菇，夠地道。
海南雞半隻$108
啖啖肉海南雞，配兩種醬汁，
分別係廚師嘅海南雞醬，
同埋老闆特製嘅口水汁。
嫩滑海南雞點唔同嘅汁，
有唔同風味，口水汁唔係太辣，好惹味。
精選燒烤任選六款$88
串燒都有兩種醬汁，
沙爹汁同燒汁，任你點，
牛肉$15夠腍
豬腩串$15
用特別方法醃製，
有香茅同椰漿嘅味道，
肉質鬆腍
雞中翼$15
呢個好惹味，送啤酒一流。
泰式燒牛肉牛仔骨$88
又香又腍嘅牛仔骨，
又係啤啤佢嘅好朋友。
泰式燒豬頸肉$68
豬頸肉肉質爽腍，
醃得好入味，好食
下次想嚟試吓佢嘅豬脾飯
