Soho Banh Mi (已結業)

舖頭好細得4個位，主打越式法包、撈檬，應該有唔少人叫外賣呱。一開始老闆(?)已經切開法包塞餡，搞到我以為唔會焗脆法包，原來係會放餡，焗完再放餡。*越南法包 $78法包大大個厚身，烘到脆卜卜，入面鬆軟。配搭有蛋黃醬、辣椒醬、青瓜、酸菜蘿蔔絲、芫茜、墨西哥辣椒。整體感覺清爽，但肉份量相對少。雞肉越南法包 $78雞肉用香茅、檸檬葉和五香粉醃，非常惹味！豬肉越南法包 $78餡料有豬潤醬、烤豬肉，同樣惹味，但感覺冇雞肉咁驚艷。