拉麵小町

营业中

休息中

/最近發現左一間好隱世既拉麵小店🍜藏身係元朗村口～ 隔離仲有佢哋既專屬停車場🅿️ 店舖雖小但好精緻，未開門就已經見到有人係到排緊隊！-🥢蕃茄拉麵好小可會見到有蕃茄拉麵就決定試下🫣就咁望個湯色水好似麻麻地，但食落蕃茄味道都幾濃而且偏傑身，有啲清新既感覺！麵質冇得選擇，偏硬身都幾彈牙！溏心蛋生熟度啱啱好😋一咬開就流晒蛋汁！🥢醬油拉麵醬油湯底好濃郁！叉燒薄切肥瘦適中，比較軟琳琳一夾會散，仲有種入口即融既感覺！🥢山椒雞翼有驚喜！即叫即整上到枱勁熱勁脆！😋有啲檸檬香同少少辣少少麻既感覺🥢凍豆腐我一直都好中意食豆腐🥰 呢隻日式凍豆腐用鰹魚醬油汁浸住，好清新又解膩😚🥢凍秋葵秋葵係男朋友既愛🤣 不過比較普通