甘地印度餐廳 (已結業)

機緣巧合下要入去東涌做嘢,一位印度藉同事介紹小編去食呢間甘地印度餐廳Handi Indian Restaurant,一食難忘,本身有幾間餐廳排緊稿,但都決定打尖介紹呢間印度餐廳先!。。🔘 蒜茸烤餅 GARLIC NAAN | $26評分: 🌕🌕🌕🌕🌑評語: 好重蒜茸味,一放落口已經知好足料,新鮮焗製,食落仲熱,點埋咖哩食真係不得了!。。🔘 瑪沙拉燴羊肉 GOSHT MASALA | $113評分: 🌕🌕🌕🌕🌗評語: 羊肉只有些少羶味,我相信幾啱香港人口味,食落口感好好,唔會太熟而變香口膠。。。🔘 瑪沙拉雞 MURGH MASALA| $101評分: 🌕🌕🌕🌕🌕評語: 小編始終覺得,雞肉同咖哩嘅配搭真喺冇得輸,雞肉食落好嫩,配合埋印度正宗咖哩係一絕!。。🔻價錢比重慶大廈貴但絕對比重慶大廈出色🔻隱世小店🔻老闆為印度人,絕對正宗印度菜🔻老闆非常好客有禮,仲流利廣東話推介指數:⭐️⭐️⭐️⭐️⭐️。