豪庭海鮮酒家 (已結業)

上次為豪庭寫下一盒叉燒外賣既食評. 實在只是濫竽充數之作. 不應寫. 是日是第二篇豪庭, 呢次就係為了同外父飲下早茶, 彼此交流一下感情. 一盅兩件一向是老人家飲茶既宗旨. 然而的確, 我們真的是一盅兩件. 每人一盅鳳爪排骨飯, 每人一個迷你點心併盤.鳳爪排骨飯, 是不是生米蒸我一定食得出. 用熟米蒸省好多時間同功夫的, 而且平時, 排骨同鳳爪應該是鋪滿面的, 不過呢度既份量就細左個瑪. 是否早市特價之別呢. 午市既盅頭飯會否變大盅D我就不知了.點心併盤, 一次過滿足了平常人飲茶的幾個願望. 有基本上上酒樓必食的蝦餃, 燒賣, 同樣非常熱門既潮州粉棵. 對我來說馬拉糕應是熱門, 但呢度換來千層糕, 有少少不同但其實都係果一類野. 這兒的點心算是不錯. 蝦餃燒賣有肉香, 有味道, 絕對不是行貨之烈. 潮州粉棵我一向不愛, 但既來之則食之是我的格言, 所以放得入口既, 總會放入去. 結果這個皮靚餡不太足既粉棵, 就一啖俾我消滅, 餡不多, 有空位是潮州粉棵既原形, 不過, 花生不夠, 就有點失味道......雖然如此, 但我反而喜歡, 因為我就係唔喜歡粉棵內的花生. 千層糕就太細塊了,