奇華餅家 (蕪湖街)

营业中

休息中

早前試過奇華嘅月餅奶皇系列，晌紅磡嘅「逸‧酒店」食完下午茶，樓下正正有家奇華餅家，見中藥世家余仁生 x 奇華合作出咗款陳皮豆沙月，好有睇頭，陳皮與紅豆依個經典組合，聽落都好期待，而紅豆沙產品一向好啱我老婆，所以，佢睇見依款產品就特別開心。包裝盒，唔算太考究，一盒8個裝嘅「余仁生陳皮豆沙月」（$218）都喺採用迷你月餅尺寸，獨立包裝，所以，每次單拖食一個都唔會感覺太「漏」。餅面印上「陳皮」二字作標記，月餅烘得金黃，切開餡心全部都喺豆沙蓉，喜歡食鹹蛋黃嘅朋友就可能未必啱你嘞。不過，豆沙餡的確好味，香甜軟滑，清甜不膩，入口果然散發出陣陣陳皮香味，含蓄而幽香，都有啲驚喜喎。仲有無邊個喺紅豆粉絲，有就要試試依一款迷你余仁生陳皮豆沙月，同家人，或同朋友，一齊分享依份甜蜜滋味。