雲南真米線 (已結業)

去大围投注站入完钱，去附近是但揾啲野食，隔离就系真云南米线。第一次黎，当然要睇下餐牌，不过阿姐已经系我后面，好似好赶咁。我就order 咗腩肉猪肠红薯粉，可乐。食食下见到枱上面有张下午茶menu,由下午230-600，我睇返个价钱佢系计我正价。我就问阿姐：下午茶份量同正常有无分别？阿姐话无。我就再问咁呢张单系计下午茶价钱定正价？阿姐就话我落单时未够钟，咁都无法，其实都系争几蚊，不过我睇返张马会飞14:26完成，我入完执下银包，左行右行睇下食边间，睇下menu,都竟然未够1430。见佢地系入机落order,老细可唔可以睇下张单系几点落oder?我真系好想知。食物方面其实真系好一般，腩肉无咪又韧，捞粉啲汁都淡，花生唔脆，猪肠还可以。可能真系14:29:59先落单，不过咁样经历我就唔推荐呢单啦，更何况啲野食真系好业余。