影片
更多
2019-05-18
225 浏览
@sainthonorehk ————————————————————————可能適合對象：#阿華田蛋糕甜度（5星最甜）：⭐️⭐️濃度（5星最濃）：⭐️⭐️⭐️⭐️🍴：餐刀 ✔️/ 蠟燭 ✔️ / 冰袋 ✖️/ 紙盒✔️🏷：✔️（生日快樂，Happy Birthday紙牌免費；寫名的話，2磅以下加10蚊，2日前預訂）💬：杏花邨店嘅店員好好人，專業度100分！由於做咗會員可以以VIP價$108買，佢一步一步咁教我點做會員！香港嘅店員可以做到咁敬業樂業，真係買少見少！🛒：全港 #cakeup_全港🔘：個裝（半磅）💰：VIP價 $108；正價 $138————————————————————————性價比：高又有好嘢Share啦，不過要先講明，絕非廣告，冇收過錢，𠵱個蛋糕絕對有驚喜！！貨絕對辦，你睇嘅廣告相，你上官網睇個蛋糕，同你買到嘅蛋糕係一樣，冇呃人，冇淘寶感。首先，阿華田味，我已經好鍾意，平日冇𠵱個蛋糕都會去 @7elevenhk 買阿華田甜筒食。今次有𠵱個蛋糕，就二話不說去買個食吓。整個蛋糕阿華田味好香好濃，絕對食得出阿華田味。整個蛋糕主要分開6大層！第1層，清晰可見，面頭有3塊完整嘅阿華田夾心餅乾。味道
可能適合對象：#阿華田蛋糕
甜度（5星最甜）：⭐️⭐️
濃度（5星最濃）：⭐️⭐️⭐️⭐️
🍴：餐刀 ✔️/ 蠟燭 ✔️ / 冰袋 ✖️/ 紙盒✔️
🏷：✔️（生日快樂，Happy Birthday紙牌免費；寫名的話，2磅以下加10蚊，2日前預訂）
💬：杏花邨店嘅店員好好人，專業度100分！由於做咗會員可以以VIP價$108買，佢一步一步咁教我點做會員！香港嘅店員可以做到咁敬業樂業，真係買少見少！
🛒：全港 #cakeup_全港
🔘：個裝（半磅）
💰：VIP價 $108；正價 $138
————————————————————————
性價比：高
又有好嘢Share啦，不過要先講明，絕非廣告，冇收過錢，𠵱個蛋糕絕對有驚喜！！貨絕對辦，你睇嘅廣告相，你上官網睇個蛋糕，同你買到嘅蛋糕係一樣，冇呃人，冇淘寶感。
首先，阿華田味，我已經好鍾意，平日冇𠵱個蛋糕都會去 @7elevenhk 買阿華田甜筒食。今次有𠵱個蛋糕，就二話不說去買個食吓。整個蛋糕阿華田味好香好濃，絕對食得出阿華田味。整個蛋糕主要分開6大層！
第1層，清晰可見，面頭有3塊完整嘅阿華田夾心餅乾。味道同我地喺超級市場買到嘅一樣。數算整個蛋糕，最為可以扣分嘅一點，就係個餅乾由於接觸到個蛋糕面，餅乾質地受到影響，會腍身啲。但係𠵱一點，冇話影響到我對𠵱個蛋糕嘅印象。
餅乾之下，就係其餘嘅5大層阿華田Mousses、阿華田軟心、阿華田牛奶麥精Mousses、阿華田醬，同埋一大塊薄脆。事實上，整個蛋糕嘅濕潤度好高。若然由面到底咁叉一大舊蛋糕，放入口，你只會好似食到好大股充滿阿華田味嘅濕潤物質，中間個層蛋糕嘅存在感唔算好重，比例會覺得Mousses 7: 蛋糕 3。但係當你「妹」緊啲Mousses時，雖則蛋糕存在感唔高，但都會食到，再者，個脆底絕對起到好大作用，好似食緊一杯Mousses with 粒粒脆脆，口感提升返晒個層次，唔似齋食緊Mousses。但都係果句，阿華田味真係好重，但絕對唔甜，喜愛。
但又公道啲咁講，一大舊咁食，又的確好難分得出作係阿華田味定阿華田牛奶麥精味（食神咩），但係就好肯定食到係阿華田味囉。不過分開逐層食，就必定分別得出佢係阿華田定係阿華田牛奶麥精味。
總結，$108蚊食到𠵱個質素，我覺得好抵！都係個句，你唔介意係連鎖大型餅店，𠵱個蛋糕啱晒4-6個人嘅生日飯局！
——————————————————
#cake #birthday #蛋糕 #生日 #生日蛋糕 #birthdaycake #hongkong #hkig #香港 #香港限定 #hkbakery #caketionary #caketionaryhongkong #呃like #相機食先 #阿華田 #ovaltine #ovaltinehk #銅鑼灣 @neway_hk #newayceo #生日會 #生日飯局 #生日之星 #父親節 #父親節禮物 #父親節蛋糕
阿華田蛋糕
$108
8 浏览
0 赞好
0 留言
张贴
