皇室花園 (已結業)

北角有一個商場專賣手袋化妝品，我成日經過都唔會入去，一來無我要買既野，二來國內旅客會比較適合。不過，最近發現入面有一間餐廳，性價比都幾高，不彷試試。呢間餐廳同一般cafe相似，咖啡、花茶、小食、食物都有，唔可以話好多選擇，叫做有啲野㨂。我叫左一個豬仔骨、Pizza同一杯咖啡。豬仔骨都易切，味道ok，肉質淋，不過我個人唔太鍾意啲醬太厚太杰。薯條就好一般，無特別。蘋果沙律就幾特別，夠清新。Pizza方面選擇唔多，size唔大，薄身，不過好味過豬骨。火箭菜唔知點解好似炒過定點處理過，淋左，我自己鍾意爽口啲。跟餐有湯，紫薯⋯⋯味道ok，不過我麻麻地紫色野。咖啡可以，有拉花，都有誠意。重點係間野好靜，服務態度好。