影片
更多
2019-10-05
246 浏览
平时去佐敦，多数去白加士街揾食，今次经过吴松街，见到有间装修唔错既意大利西餐厅，就走左入去试新野。环境﹕店内设计简单得黎有啲心思，主要墙身以白、灰、木色为主配以一些生活态度既英文字句，有啲似café, 坐得好舒服。而且枱同枱之间有足够空间，无论两个人、四个人/一班人都唔会同隔离枱痴得太近。服务﹕服务非常抵赞，一坐低就会主动攞张凳/箱比你放袋及斟水，我地要求暖水同黑椒都好快比到，态度友善。餐汤、前菜、主菜、饮品都顺序奉上，每食完一道亦会主动收走，唔会出现枱面唔够位放野既情况。我地一边食一边吹水，坐左两个几钟都唔会有人催你走。食物﹕食物选择多，有dinner set ($1xx-$2xx), 二人餐 ($458/498), 单点。我地最后叫左两个dinner set 另加松露薯条share 黎食。1.餐汤+面包条﹕当日系罗宋汤，面包条似饼干条，味道正常。2.松露薯条﹕即炸薯条+黑松露碎喺面，仲配埋茄汁同一个白色既酱(芝士?)。薯条系我钟意既size, 粗过麦当劳𠮶啲但唔系劲粗，食到外面脆入面有薯味，唔太油。松露系淡淡的，唔会好攻鼻。我地后来先发现原来like Facebook 系有得送松露
环境﹕
店内设计简单得黎有啲心思，主要墙身以白、灰、木色为主配以一些生活态度既英文字句，有啲似café, 坐得好舒服。而且枱同枱之间有足够空间，无论两个人、四个人/一班人都唔会同隔离枱痴得太近。
服务﹕
服务非常抵赞，一坐低就会主动攞张凳/箱比你放袋及斟水，我地要求暖水同黑椒都好快比到，态度友善。餐汤、前菜、主菜、饮品都顺序奉上，每食完一道亦会主动收走，唔会出现枱面唔够位放野既情况。我地一边食一边吹水，坐左两个几钟都唔会有人催你走。
食物﹕
食物选择多，有dinner set ($1xx-$2xx), 二人餐 ($458/498), 单点。我地最后叫左两个dinner set 另加松露薯条share 黎食。
1.餐汤+面包条﹕当日系罗宋汤，面包条似饼干条，味道正常。
罗宋汤
12 浏览
1 赞好
0 留言
2.松露薯条﹕即炸薯条+黑松露碎喺面，仲配埋茄汁同一个白色既酱(芝士?)。薯条系我钟意既size, 粗过麦当劳𠮶啲但唔系劲粗，食到外面脆入面有薯味，唔太油。松露系淡淡的，唔会好攻鼻。我地后来先发现原来like Facebook 系有得送松露薯条(唔知份量会唔会一样)，蠢左!
松露薯条
10 浏览
0 赞好
0 留言
松露薯条
6 浏览
1 赞好
0 留言
3.主菜﹕
a.松子仁火箭菜香草酱意粉﹕松子仁应该烘过几香，但略嫌香草酱的罗勒味唔系好够，意粉软硬度适中，整体OK。
松子仁火箭菜香草酱意大利粉
11 浏览
0 赞好
0 留言
b.日式银雪鱼伴黑松露意大利饭﹕黑松露味比薯条既香，银雪鱼有成吋厚，煎得啱啱好，鱼皮脆鱼肉嫩，意大利饭配合返香港人口味，饭心唔会太硬。唔错!
日式银雪鱼伴黑松露意大利饭
14 浏览
0 赞好
0 留言
4.饮品﹕第一次饮西班牙咖啡，其实唔知有咩成份，几易入口，饮完wing wing 地，应该有酒喺入面。
西班牙咖啡
10 浏览
0 赞好
0 留言
总结﹕野食有一定水准，唔会有大惊喜，但服务同环境加左好多分，绝对会回头。二人餐应该会抵食啲。下次会拣肉眼/西冷(见到隔离枱食，好似唔错)。
张贴
