Grill ขุนทอง (和安里)

营业中

休息中

星期日既中环好多餐厅都唔开，平日谂食咩谂到头都晕，咁岩知道呢间串烧开同有d饭类，可以lunch都食下。店面呢个火屏幕已经好吸引目光，再加上店内串烧同香味，足够引起食欲。店员态度好好，又有礼貌，值得一提。最后点左海南鸡饭，串烧牛仔骨、猪颈肉、鱿鱼须，由于餐厅只得企位，所以立即拎返公司开餐。海南鸡饭：油饭香得来唔会食到成口油，虽然鸡肉唔算最嫩滑，但胜在唔会有很多脂肪，另外有齐3种酱料，少甜的黑豉油、酸甜的泰式红鸡酱和酸辣的海南鸡酱，份量也很多，非常满足。左边既系猪颈肉，表面烤到有少少焦脆，但内部肉质保持到湿度，咬落外层少少脆，内层柔软，认真唔错。鱿鱼须就带有很香胡椒味，虽然外层脆既部位唔多，但够爽口弹牙，都唔错。而右边既牛仔骨肉汁味道浓郁，而且汁既量很多，肉质嫩滑，适量香料令肉更香而又唔会盖过本身牛肉味，值得推荐。海南鸡饭跟餐有饮品，虽然泰式串烧配酒应该好好，但因为lunch time关系都系拣柠檬茶。