影片
更多
2024-03-15
1013 浏览
呢个礼拜日虽然要返工但系老婆大人就我约咗朋友喺中环一齐食晏，仲要食半自助餐啱晒我呢个过气黑洞。我哋就系去呢间木子园早两日食过晚饭见呢度三百几蚊就食到个半自助早午餐，有点心有片皮鸭有上海嘢仲有川菜，我哋三个人嚟食各自都有钟意嘅嘢食到啱晒合尺。去到大门口见到呢两张吊椅啱晒啲靓女喺度打卡，餐厅仲有好正嘅装饰樱花树成个世外桃源咁款靓到唔似食中菜嘅餐厅。不过我觉得最正嘅系呢间餐厅有一个标准嘅酒吧，有好正嘅鸡尾酒仲有好多其他靓酒饮。我哋今日食呢个半自助餐就可以加$188 喺两个钟头入面任饮红白酒、意大利气泡酒、支装啤酒、汽水同埋果汁，对于我呢啲酒鬼回本容乜易吖。老婆大人唔钟意甜所以佢就拣咗饮呢个青柠梳打，我偷饮咗一啖真系好香青柠味最紧要够气呢杯合格呀。讲明半自助餐梗系会有一啲嘢食系自助任攞嘅！呢度摆咗啲冷盘同埋炸点心，全程系不停添加唔使惊想食嘅时候要等。细心嘅老婆大人每样攞咗啲返嚟同我哋一齐食，香口点心有我钟意嘅叉烧焗餐包，跟住仲有蒜香虾春卷同埋炸小馒头，摆喺道都保持到几热同埋香脆口感算唔错。汤就有两款可以拣辣我梗系钟意唔辣嘅蟹肉粟米羹多啲啦！不过𠮶个素嘅酸辣汤味道都几唔错，不过对我嚟讲真系辣咗少
我哋就系去呢间木子园早两日食过晚饭见呢度三百几蚊就食到个半自助早午餐，有点心有片皮鸭有上海嘢仲有川菜，我哋三个人嚟食各自都有钟意嘅嘢食到啱晒合尺。
去到大门口见到呢两张吊椅啱晒啲靓女喺度打卡，餐厅仲有好正嘅装饰樱花树成个世外桃源咁款靓到唔似食中菜嘅餐厅。
不过我觉得最正嘅系呢间餐厅有一个标准嘅酒吧，有好正嘅鸡尾酒仲有好多其他靓酒饮。
我哋今日食呢个半自助餐就可以加$188 喺两个钟头入面任饮红白酒、意大利气泡酒、支装啤酒、汽水同埋果汁，对于我呢啲酒鬼回本容乜易吖。
老婆大人唔钟意甜所以佢就拣咗饮呢个青柠梳打，我偷饮咗一啖真系好香青柠味最紧要够气呢杯合格呀。
讲明半自助餐梗系会有一啲嘢食系自助任攞嘅！呢度摆咗啲冷盘同埋炸点心，全程系不停添加唔使惊想食嘅时候要等。
细心嘅老婆大人每样攞咗啲返嚟同我哋一齐食，香口点心有我钟意嘅叉烧焗餐包，跟住仲有蒜香虾春卷同埋炸小馒头，摆喺道都保持到几热同埋香脆口感算唔错。
汤就有两款可以拣辣我梗系钟意唔辣嘅蟹肉粟米羹多啲啦！不过𠮶个素嘅酸辣汤味道都几唔错，不过对我嚟讲真系辣咗少少啰。
呢碟冷盘嘅醉鸡够嫩滑同埋整得好入味，青瓜木耳酸酸地几开胃，四喜烤麸都整得好够味唔会太甜太咸，如果钟意清新嘅呢个鸭胸沙律有味得来又爽口，头盘开咗个好靓嘅序幕希望嚟紧嘅点心、北京填鸭同埋主菜都咁正啦。
呢个半自助餐相信最吸引肯定系任食嘅北京填鸭，新鲜热辣出炉𠮶浸香气真系好令人流口水。
师傅一刀一刀将鸭皮片出嚟呢下系听到个皮嘅脆声！跟手夹啲青瓜同埋京葱攞埋个嬷嬷皮拎返入去一齐食。
个片皮鸭好香鸭油嘅味道仲要一啲都唔臊劲好食，我哋足扪拎咗咁嘅份量三碟嚟食哈哈。
呢道嘅点心有10几款每次嗌就两件起跳我哋都差唔多叫晒嚟试！点心嘅质素都几平均吓算系食得过，咁多款入面我就最钟意陈皮牛肉球、鱼肚四宝鸡扎同埋马拉糕。
食咗头盘、北京填鸭同埋点心都已经饱咗九成，但呢个话明系半自助餐即系有主菜啦！我哋每人可以拣一款主菜估唔到个份量大得咁夸张，我就醒呀食到咁饱梗系嗌个菜啦，呢个系茶树菇上汤小豆苗清甜爽口用嚟解滞啱晒。
咸蛋虾球爽口弹牙加埋甘香嘅咸蛋黄好邪恶，不过又真系好好味呢个真系要嗌嚟试吓。
点都要嗌返个辣菜俾我老婆大人食嘅！呢个公爆鸡丁原来都几鬼辣𠮶㖞！不过辣得嚟又好香口仲有啲鸡粒好滑唔会鞋口唔错唔错。
甜品有生磨蛋白杏仁茶同埋杨枝甘露可以拣，两个之间如果要我拣我就会钟意杨枝甘露多啲，因为食到咁饱酸酸甜甜嘅味道易入口得多。
张贴
