越大哥 (中興新街) (已結業)

呢間係長洲既越南菜裝修幾好，有啲田園既感覺，都唔會話坐得好逼，店員態度又好，唔錯呀！💋豬扒拼雞翼飯一個碟頭飯既樣，但好有越南風味，豬扒有啲香茅味，肉質幾腍，味道幾好，唔會好硬好實，啲肉口感幾好！雞翼就煎得好脆，皮脆肉嫩，都唔細隻，好好食呀，仲有隻煎蛋添，成個飯都好多餸，好豐富呀！👀香茅燒豬頸肉撈檬燒豬頸肉都好多，肥瘦好均勻，燒得好香，啲肉好嫩，檬粉都煮得好好，幾爽口，撈埋啲魚露酸汁，好清新，仲有啲炸蒜添，好味呀！呢度又有落地玻璃，望住室外，係度舒舒服服咁食下野chill下真係幾寫意呀！