威堡

营业中

休息中

今日襯假期去長洲行下. 人算不如天算, 等船超多人, 去到又人山人海. 入到長洲已接近12:00, 我哋連早餐都未食 (驚百厭仔搭船會嘔) 超級肚餓, 所以是旦邊度唔使等位就去邊度, 咁就嚟咗威堡.叫咗三個套餐沙嗲豬扒煎蛋麵+汽水 $30.00--沙嗲香濃, 豬扒夠林, 麵質算爽, 唔錯豬扒包配薯條+凍檸茶 $29.00--豬扒夠林都算大塊, 包身唔似一般豬仔包, 略帶甜, 整體上幾好味. 漢堡包配薯條+凍菜蜜 $29.00--老公話個包食落有啲怪, 可能佢唔鐘意個包帶甜啦! 薯條都夠脆, 但薯味欠奉.一串蝦串 $10.00--蝦串係蝦肉煎香串起, 蝦肉爽口, 味道唔錯一個蝦餅 $18.00--呢個食落似厚身嘅蝦仁炒蛋, 好有家庭feel.埋單 $116.00