星星美食 (已結業)

尼到長洲點可以唔食糯米滋呀 雖然而家香港好多地方都有得食 但感覺總係唔太正宗咁 糯米滋係長洲出左名之後 好似變左長洲特產咁 總有一間在您左近 四姊妹們試左好幾間 我地都覺得星星美食尼間值得推介星星美食有熟食有甜食 例如飯 麵 涼粉 雪花冰雞蛋仔夾餅等等 不過我地目標明確 就係軟林林嘅糯米滋糯米滋有幾種口味 包括芒果味(正常size同珍寶size) 榴槤味同紫薯味豬小姐整番個珍寶芒果先 用保鮮紙包住成個粢飯咁 好cute呀 size都真係大大舊喎糯米皮偏厚 朋友仔話唔夠薄皮 雖然係事實 但我覺得要有啲啲厚嘅皮 但又唔可以勁厚皮喎 先可以帶尼煙韌口感重點係個芒果餡 顏色金黃有光澤 芒果蓉實淨無渣 質感水潤帶水份 清甜得尼帶真芒果香 唔係假到爆嘅芒果味 啖啖芒果真係好滿足！我諗芒果餡嘅份量有原隻芒果咁多忍唔住買左兩個番香港 比媽媽同豬先生品嚐下