樂小館 (已結業)

一行六人，幸好旁晚六點半去，唔算多人，但愈晚愈多人好彩一早book位比張大枱近電視位比我地，枱唔算多地方唔太逼，環境ok，廁所都ok。叫羊腩煲（加手切肥牛），生炒糯米飯，花雕蒸蟹（自來蟹），豉汁鱔（自來鱔），蜜汁鱔片。不得不讚蜜汁鱔片，脆口內軟鑊氣十足！羊腩煲入味！花雕蟹蒸的時間火候剛剛好！我地六人食到好飽都係一千蚊左右，酒樓級數真係抵食！冷氣又夠！建議大家可以買海鮮去，油料錢唔貴又好食！唔收加一可以提早book燉個湯飲添呀！最後走先知可以搭𨋢唔洗行樓梯架！