茶屋町 (長沙灣道) (已結業)

放假去左参观美荷楼，咁大个女从来都未黎过，睇完就黎左哩间以铁道同龙猫做主题嘅小店。佢虽然都有饭食，但最出名一定系抹茶甜品同饮品，价钱贴地，选择都算多。店内除左有龙猫嘅小摆设，仲播放龙猫卡通入面嘅音乐。抹茶千层蛋糕($26) - 千层蛋糕每一层虽然未算好薄，但都可以接受，蛋糕唔会太干，抹茶味几重，中间仲有一层红豆蓉，一啖食倒抹茶甘白同红豆香甜，性价比几高。茶屋宇治金时芭菲($68) - 芭菲大大杯，面层系抹茶软雪糕，下面有抹茶脆米、红豆蓉、香橙同抹茶啫哩。抹茶雪糕好滑，抹茶味都好浓。白玉抹茶雪糕($35) - 抹茶雪糕同宇治金时芭菲个雪糕共实系一样，不过就配白玉同抹茶麻糬，烟烟韧韧都几好食。抹茶牛乳($32) - 面层虽然系厚厚嘅奶泡，但搅匀之后抹茶味都仲好浓，甘香得黎唔会太苦。总结，无论甜品定饮品抹茶味都好香浓，价钱唔贵，抹茶控好值得试下。