星洲名廚 (已結業)

我一向喜欢食叻沙，今晚就去好友介绍嘅星加坡餐厅食饭，餐厅位于黄大仙区豪宅嘅商场里面，朋友话午饭时段经常要等位，相反晚饭就比较容易有位，可能因为地段关系，住豪宅嘅人通常晚餐都有人煮！餐厅内座位唔多，而且座位之间亦比较窄，但还可以接受，而内部装修几可爱，侍应服务亦有礼貌。睇完一轮menu后，发现原来选择都几多，最后我哋叫咗招牌厚切猪扒娘惹叻沙餐同肉骨茶餐各一。肉骨茶餐先上，除咗肉骨茶同白饭外，套餐亦有碟油菜同几嚿油炸鬼俾我哋送肉骨茶，一见到肉骨茶我就即刻试啖汤先，但个人觉得药材味唔够浓，而且排骨啲肉有啲嚡㖭，原本对此𩠌有好大期望，现在反而变咗有啲失望。跟住叻沙接住上，侍应一放低已闻到叻沙香味，啲炸猪扒大大件，肉嫩又多汁，啲肉仲非常腍，加上叻沙汤味浓郁，真系食唔停口，一个字讲晒 ！最后叫埋杯餐饮热柠茶同热斋啡作完结，杯斋啡就嘛嘛地，因为应该系即溶咖啡嚟㗎。听闲海南鸡都系佢哋嘅招牌菜，下次嚟一定会试埋佢！