影片
更多
2017-09-02
141 浏览
同人嚟到铜锣湾嘅金罗宝韩国料理，餐厅系晌金百利广场入面，呢度都有唔少食肆。佢系间比较传统嘅韩国菜，已经开咗几多年，不过今次系第一次嚟试。同大部份韩国菜一样，呢度系有嵌入式嘅烧烤炉，同埋系有烧肉嘅。午市时段嘅套餐定价七十几至百几左右，选择仲几多。叫完嘢食之后，侍应就拎咗一堆餐前凉菜嚟，泡菜、马铃薯、银鱼仔干、青瓜、莲藕、菠菜大豆芽、鱿鱼丝、四季豆，就咁睇都觉得丰富。每次食韩国菜都最期待色彩缤纷嘅餐前凉菜，除咗可以增加蔬菜摄取量之外，又可以解腻，不过新派嘅韩国菜就反而无咁多款式喇。每份午餐都包一碗汤，当日汤入面有牛肉、萝卜同胡萝卜，饮起嚟清清甜甜。铁板烤猪颈肉，口感爽嫩，调味足够唔过重，只系多油咗少少。辣泡菜饼，煎饼粉浆唔过厚又唔过薄，入面仲有唔少泡菜粒，食起嚟外脆内软。可以点埋佢个特制嘅酱汁嚟食，表现唔错。牛肉石锅杂锦饭，烧红咗嘅石锅入面有牛肉、大豆芽、菠菜、胡萝卜、冬菇、煎蛋、紫菜同米饭，侍应晌我哋面前加埋韩式辣酱之后就将佢哋捞匀。每口饭都有配料跟埋一齐食，近石锅边位仲有脆脆嘅饭焦。我哋仲加多咗份调味牛肋骨肉，份量比想像中多。将牛肋骨肉放晌烧烤炉上面烧，肉质软嫩。最后嘅甜品系红枣茶，红
同人嚟到铜锣湾嘅金罗宝韩国料理，餐厅系晌金百利广场入面，呢度都有唔少食肆。
佢系间比较传统嘅韩国菜，已经开咗几多年，不过今次系第一次嚟试。
同大部份韩国菜一样，呢度系有嵌入式嘅烧烤炉，同埋系有烧肉嘅。
午市时段嘅套餐定价七十几至百几左右，选择仲几多。
餐前凉菜
18 浏览
0 赞好
0 留言
叫完嘢食之后，侍应就拎咗一堆餐前凉菜嚟，泡菜、马铃薯、银鱼仔干、青瓜、莲藕、菠菜大豆芽、鱿鱼丝、四季豆，就咁睇都觉得丰富。每次食韩国菜都最期待色彩缤纷嘅餐前凉菜，除咗可以增加蔬菜摄取量之外，又可以解腻，不过新派嘅韩国菜就反而无咁多款式喇。
每份午餐都包一碗汤，当日汤入面有牛肉、萝卜同胡萝卜，饮起嚟清清甜甜。
铁板烤猪颈肉，口感爽嫩，调味足够唔过重，只系多油咗少少。
辣泡菜饼
13 浏览
0 赞好
0 留言
辣泡菜饼，煎饼粉浆唔过厚又唔过薄，入面仲有唔少泡菜粒，食起嚟外脆内软。
可以点埋佢个特制嘅酱汁嚟食，表现唔错。
牛肉石锅杂锦饭
13 浏览
0 赞好
0 留言
牛肉石锅杂锦饭，烧红咗嘅石锅入面有牛肉、大豆芽、菠菜、胡萝卜、冬菇、煎蛋、紫菜同米饭，侍应晌我哋面前加埋韩式辣酱之后就将佢哋捞匀。
牛肉石锅杂锦饭
20 浏览
0 赞好
0 留言
每口饭都有配料跟埋一齐食，近石锅边位仲有脆脆嘅饭焦。
我哋仲加多咗份调味牛肋骨肉，份量比想像中多。
将牛肋骨肉放晌烧烤炉上面烧，肉质软嫩。
红枣茶
14 浏览
0 赞好
0 留言
最后嘅甜品系红枣茶，红枣味香甜，感觉养生。
呢次试嘅午餐一份先八十几左右，但系份量就唔少，以铜锣湾区嚟讲都几抵食。
张贴
