金運海鮮酒家 (已結業)

飲茶通常去集團式酒樓，今日有D唔同，被親人帶左我去一小島～～青衣島，一小私人屋苑～～青怡花園，一小酒樓～～金運海鮮酒家，全家酒樓大大細細唔夠30張枱，做街坊生意為主，見老人家居多，食客同伙記都見相熟，唔似外邊大酒樓咁有冷漠感。點心大件，但唔算抵食，鮮蝦炸春捲、雞扎都要$25，黑椒牛肚夠淋，炸物如春捲、煎堆、鹹水角都炸得出色；最差有兩件事，1️⃣就係籠蝦餃，皮厚又唔熱，一落枱微溫咋，塊皮厚過記事薄，真係後悔無去換，2️⃣味精重，尤其雞扎及黑椒牛肚，食完一嚿要即時飮大量茶水，仲要全個下午都口乾口渴。