The Platter (悦品酒店‧荃灣)

营业中

休息中

可以一试，任食风味火腿，自助食物款式选择不多但质素唔错。虽然地区系写荃湾，但其实比较近葵兴站，行过去酒店需要十分钟左右，亦有提供免费接驳巴士服务。食饱后散步，顺便去新都会广场兜个圈，开心！🌟南欧风味火腿 • 半自助晚餐价钱由$258起，自选一款主菜，而前菜、餐汤、海鲜、甜品同饮品都喺自助区任食。✨烤波士顿龙虾配香槟汁及芝士 $408✨焗松露焗生蚝配虎虾 $288龙虾啖啖肉，生蚝多汁饱满，而虎虾就正常发挥。除咗海鲜，亦可以选择其他肉类作为主菜。✨风干火腿 🤤有惊喜既菜式！膻味不重，带有少少脂肪，食味更浓，配搭蜜瓜食用为佳😋 ✨海鲜是日海鲜有螺、青口、蚬、虾，平时对自助餐嘅冻盘海鲜冇乜期望，但海鲜比想像中新鲜，蘸上海鲜汁更好食。✨南瓜汤·猪骨汤提供中、西式嘅汤，前者香甜，后者系老火汤般咸香。平时食自助餐，食物款式多但味道普通，拎完一转就无意欲回头。而今日难得地会encore拎多几轮，食物贵精不贵多。