自家烏冬 (已結業)

今日趁lunch hour時間，因為有d事要做，所以就去左綠陽坊，但可惜都係做唔到，之後就見反正肚餓，就去左綠楊坊既「自家烏冬」食lunch~去到之後，就叫左個$6x既一人餐食(未計加一)，有主食+小食+飲品雞肉咖喱湯烏冬  Chicken Udon in Curry Soup七味炸雞  Japanese Deep Fried Chicken大約等左5-10分鐘，所有野食連跟餐汽水都到齊，烏冬唔錯,幾好味，食落口覺得烏冬較滑，但滑得黎又有點煙勒，口感唔錯，該店說佢地店的烏冬都係每日自家整的，無加任何味精或添加劑。雖然唔知係咪真，但真係幾好食。至於烏冬湯底方面，對我個人黎講，湯式味道較濃傑，如稍為稀少許，效果或會更理想。不過湯底都幾好，咖喱味足夠，而雞肉係去晒皮，才加入烏冬，符合到健康既要求，佢地既雞肉主要都好似係以雞胸肉為主(詳情請看烏冬相)。食完烏冬之後，就論到食跟餐既小食了，我食離個既時候，初初有幾秒唔明白，點解個炸雞要加沙律醬？後來才發現，只有七味粉的雞件唔夠味，較寡，之後我點埋佢地準備好既沙律醬後，唔，口感改變了，七味粉+沙律醬配合後，唔單只無左寡既感覺，咬落去仲覺得有份量，超