影片
更多
2011-07-28
50 浏览
第二次幫襯呢間食店 , 上一次幫襯只係買凈餸菜外賣 , 記得上次係買外賣 , 係【粟米斑腩】, 味道確係唔錯 。今日中午三點前去再試 , 今次係試堂食 , 選擇咗兩樣餸菜 , 分別係【咖喱薯仔雞翼 / 紹菜雲耳肉片】飯 , 送一小碗中式例湯【粉葛豬骨湯】, 另叫咗一杯凍奶茶。兩餸飯本身係 HK$20元送例湯 , 跟餐凍飲另加 HK$6元 , 計落真係算便宜。外面睇入去覺得環境麻麻 , 但當你行入去坐低四人長枱時 , 你就會發覺店內其實都好乾淨衛生。地面及枱櫈十分乾淨 , 原因我即時現場留意到 , 因有一個清潔阿姐 , 用緊百潔布及潔而亮 , 好細心咁慢慢擦抹每張枱櫈 , 唔怪得之開左都差唔多一年時間 , 店內任何陳設都咁乾淨企理啦 , 抵讚啦! 系店門口點好餸菜之後 , 有專人拎埋枱俾我 , 仲拎埋筷子、湯匙、飯餸、例湯及飲品 , 呢道冇一杯清茶招呼 , 不過HK26元咁多嘢食又咁多嘢拎 , 咁今次唔好咁計較啦! 店員服務都算係誠懇有禮 , 又係值得讚許。 【咖喱薯仔雞翼 / 紹菜雲耳肉片】飯 , 先講【咖喱薯仔雞翼】, 咖喱汁味唔錯但好稀 , 中式咖喱係咁上下唔見怪 , 薯仔都幾多
今日中午三點前去再試 , 今次係試堂食 , 選擇咗兩樣餸菜 , 分別係【咖喱薯仔雞翼 / 紹菜雲耳肉片】飯 , 送一小碗中式例湯【粉葛豬骨湯】, 另叫咗一杯凍奶茶。兩餸飯本身係 HK$20元送例湯 , 跟餐凍飲另加 HK$6元 , 計落真係算便宜。
外面睇入去覺得環境麻麻 , 但當你行入去坐低四人長枱時 , 你就會發覺店內其實都好乾淨衛生。地面及枱櫈十分乾淨 , 原因我即時現場留意到 , 因有一個清潔阿姐 , 用緊百潔布及潔而亮 , 好細心咁慢慢擦抹每張枱櫈 , 唔怪得之開左都差唔多一年時間 , 店內任何陳設都咁乾淨企理啦 , 抵讚啦!
系店門口點好餸菜之後 , 有專人拎埋枱俾我 , 仲拎埋筷子、湯匙、飯餸、例湯及飲品 , 呢道冇一杯清茶招呼 , 不過HK26元咁多嘢食又咁多嘢拎 , 咁今次唔好咁計較啦! 店員服務都算係誠懇有禮 , 又係值得讚許。
【咖喱薯仔雞翼 / 紹菜雲耳肉片】飯 , 先講【咖喱薯仔雞翼】, 咖喱汁味唔錯但好稀 , 中式咖喱係咁上下唔見怪 , 薯仔都幾多但雞件好少 , 我旨在咖喱汁撈飯 , 但份量真係確實少咗o的。【紹菜雲耳肉片】, 雲耳甚多不過我唔食 , 只能夠食紹菜及肉片 , 紹菜都幾老要咀嚼耐少少 , 肉片一般都 OK 唔韌 , 味道健康偏淡都可以。
【白飯】, 較硬及乾身唔係咁好食 , 可能太晏去食 , 又係鍋底或鍋邊較硬飯粒 , 下次惟有早少少去再試下啦。
【粉葛豬骨湯】例湯 , 完全冇湯渣只得湯 , 唔知佢足唔足料 , 只係味道飲落係有粉葛味 , 不過係跟餐送唔好要求咁高。
【凍奶茶】有驚喜 , 茶味幾夠濃 , 奶雖然唔係黑白牛牌子 , 但飲落都 OK 奶份量都足 , 10 分滿分我俾 7.5 分。
不過飯餸份量真係覺得太少 , 我近來已經節食多時 , 食飯份量已經減少好多 , 但今次真係唔夠飽 , 不過唔好食太飽都有益 , 起碼人到中年嘛 , 食七成都係健康o的嘅 , 哈! 比起對面我幫襯開好多年 , 全女班果間食店計 , 對面果間飯餸份量一向足夠 , 而且對面果間凍奶茶都好掂 , 只係堂食環境好擠逼 , 而且衛生環境又麻麻 , 所以多數都係外賣多。
下次都會再幫襯 , 由於佢都好多餸給予選擇 , 加埋佢堂食環境真係唔錯又乾淨 ,
张贴
