均鴻茶餐廳

营业中

休息中

好耐冇上長沙灣地街市食飯啦。其實都係想簡簡單單, 搵個茶檔飲杯奶茶、食個麵。呢間均鴻記係老字號啦。佢嘅「茶底」唔差, 所以熱奶茶特別好味; 豬扒亦好好味。所以我唔執輸, 叫咗個<午餐>, 要炸豬扒公仔麵。炸豬扒正呀！ 火腿奄列亦ok, 方包忘記咗叫烘底, 執輸咗。老婆叫咗個<燴豬扒意粉>, 都係好好味嘅豬扒, 同埋好傳統嘅燴汁味道 - 呢個味道係香港獨有嘅, 可以將人嘅回憶返中學嘅年代! 呢個年代唔係咁容易食得到㗎啦。不過呢度冇冷氣, 要開大風扇, 吹到頭暈暈, 算係一個缺點呀。