更多
2012-12-12
26 浏览
Neway 卡拉 ok 都执左好几个月,囍庆以极速装修开业 ﹗楼上面积咁细,攞黎开酒楼,大家都感到非常奇怪。今日星期日谂住搏一搏有无位啦,点知等都唔洗等就可以坐低,原来依度系硬性搭枱架 ﹗地方好细,坐到密麻麻又迫夹局促 ﹗唔多舒服,枱贴枱、背对背,地方细所以特别嘈,要好大声讲野先听到。依家系午巿,会唔会晚巿会斯文宁静啲呢?menu 印刷精美,见到有好新派菜式,都好好奇想试试。两个人叫 8 送 1 炒河,劲呀 ﹗全部扫清光 ﹗第一次黎试,梗系要叫多几款啦。豉汁凤爪,热辣辣,味道浓淡适中,不会太呛,肉质软棉而酱油味浓,又几好㖞。口水鸡,机乎完全不辣,花生味亦好淡口,肉质都还可以啦,好普通,毫无惊喜。豉椒排骨炒河,好多年无食过,见到餐牌有,突然好想回味一下。好多芽菜呀,拣死我,我唔食芽菜架,唔记得叫走芽菜添,又唔记得叫佢兜匀。味道又几好㖞,芡汁咸甜得宜。排骨都入味软腍得黎有赵口,河粉系碎左少少啰,但质感滑溜,不过镬气欠奉,感觉似会河粉多过以炒河呢。水晶虾饺,虾肉爽,味道都唔错,但啲皮蒸到爆晒咁奇怪既 ?稍为蒸得过火,饺皮溶溶地。蟹籽烧卖,哗 ﹗有惊喜㖞 ﹗比想像中好食得多,只不过系唔够热啫,
menu 印刷精美,见到有好新派菜式,都好好奇想试试。两个人叫 8 送 1 炒河,劲呀 ﹗全部扫清光 ﹗第一次黎试,梗系要叫多几款啦。
豉汁凤爪,热辣辣,味道浓淡适中,不会太呛,肉质软棉而酱油味浓,又几好㖞。
口水鸡,机乎完全不辣,花生味亦好淡口,肉质都还可以啦,好普通,毫无惊喜。
豉椒排骨炒河,好多年无食过,见到餐牌有,突然好想回味一下。好多芽菜呀,拣死我,我唔食芽菜架,唔记得叫走芽菜添,又唔记得叫佢兜匀。味道又几好㖞,芡汁咸甜得宜。排骨都入味软腍得黎有赵口,河粉系碎左少少啰,但质感滑溜,不过镬气欠奉,感觉似会河粉多过以炒河呢。
水晶虾饺,虾肉爽,味道都唔错,但啲皮蒸到爆晒咁奇怪既 ?稍为蒸得过火,饺皮溶溶地。
蟹籽烧卖,哗 ﹗有惊喜㖞 ﹗比想像中好食得多,只不过系唔够热啫,要热到辣咀先好食麻。味道香浓又不肥腻,口感实净,唔会散筲筲,猪肉味浓而虾肉爽口,好满意。
黑椒牛肚,食物最紧要够热 ﹗黑椒牛肚同样地又唔够热喇,搞到黑椒汁杰挞挞 ﹗温度一定要热腾腾先系正 ﹗全部都系毛肚啊,唔系金钱肚啊。毛肚炆得又棉又腍,非常入味,合格啦。
药膳鸡脚,依度都有呀 ﹗即刻 order 啦 ﹗最爱药材汤、川芎白勺汤,清汤肴出鸡味,好好饮呀 ﹗鸡脚质感滑溜爽口,并唔系炖到起胶或散晒那种,好有赵口又好食,好有药材味道。
香菇千层腐竹,我地谂住系炸物黎架,放到枱先知系蒸。味道清淡,豆味浓、菇味香,只系我既个人口味较少食豆类,其实味道几好。做到一层层,好有心机,口感好特别,有创意。
山竹牛肉,牛肉球里面颜色较深,同其他酒楼粉红色唔同,入口滑而弹牙,淡淡鲜牛香味,算大路稳阵,可以一试。
张贴