今日心血來潮諗住係九龍揾間菠蘿油試下，專登上網睇睇幾個推介講金華，放棄平時食開既紅茶同敏華浪費少少時間覓食下好西。
晚市時間行到門口見裏面小貓幾隻，個心都十五十六，心諗食個菠蘿油飲杯嚼Okay掛...坐低叫左杯凍鴦同菠蘿油， 順便叫個啊姐抹枱，完全係一副唔想撈既樣。
菠蘿油來了，油細無油香，疑似植物牛油，個包皮死甜唔脆，個包先最worse，凍不特止，完全實到唔好提及鬆軟，懷疑係預製菠蘿包...成件事無溫度無口感，絕對愧對馳名菠蘿油既名諱！ 現場都係遊客居多，有三分之一香港人，仲未講杯凍鴦，甜L 過你同我條命，成個體驗炒Q曬車，一次拜拜！
