疫情期間想支持多啲小店 所以喺OpenRice搵咗呢間細細地 又可以坐出面企住黎飲咖啡嘅店仔
問咗店員有邊款推介 店員有少少cool 冇咩比建議 最後揀咗Flat White☕️
原本想食甜品 試吓佢個焙茶蛋糕 不過店員話今日冇 又冇咩其他選擇 所以冇嗌到
Flat White (H) $38
睇落去賣相唔差 但有三個位覺得可以改善😩
第一，隻杯係瓷杯，超級超級燙手，頭5分鐘係拎唔起飲落口
第二，咖啡香味唔出，冇香濃嘅感覺，覺得比Starbucks更冇咖啡味
第三，奶味亦欠奉，奶飲落唔似鮮奶，所以成杯咖啡飲落去又冇咩奶味，又冇咩咖啡味🙈
係幾失望下😔
另外一個細位，唔知佢係唔係想拉花
比有興趣去試嘅朋友 如果你哋怕熱嘅話 坐喺度5分鐘已經會流晒大汗 周圍好多食肆所以好熱
小店要加油💪🏻改善到以上講嘅點嘅話 應該都會多啲人專程嚟飲
