味千拉麵 (已結業)

今日同男朋友黎銅鑼灣行街，咁啱見到味千冇咩人等位就入左去食。首先，我叫個侍應幫我抹一抹枱，佢應左聲好之後擺低餐牌俾我就走左......張枱好污糟喎，唔係聽到我話抹枱嫁咩？跟住我叫多聲，佢唔理我，過多陣另一個侍應先幫我抹。咁好啦，呢啲小事唔緊要。到個拉面喇，嘩，真係好鹹......過左幾年仲係冇改善！我地嗌左碟餃子，滿心歡喜諗住好好食，點知......又係好鹹，個餃子皮好硬，一食落去成啖油滲出黎，好難食！得碟炸蝦叫做好味啲，因為夠熱又大隻。過左幾年，味千既食物依舊係好油，又好鹹，一啲改善都冇，好失望！！！