影片
更多
2025-04-09
140 浏览
今晚放假前夕的Happy Night，知道呢度逢星期四21:00有唔同嘅表演，包括Live Band Music，Pole Dance，Talk Show，咁啱放假前夕就一於黎飲酒聽歌Chill 下。店員介紹左我哋飲幾款唔同的cocktail配以串燒黎食。Espresso Martini: 以Rum做base，再加上咖啡酒同黑啤，面頭個層泡係手搖出黎，入口第一啖先有棉滑嘅口感，之後仲有淡淡的咖啡味。另一杯係Espresso Tonic，以咖啡味嘅Gin做Base 再加Tonic Water，有回甘的咖啡味。呢度嘅串燒每款都係$12至$20 ，以港式串燒為主，特別推介牛肉串燒，肥瘦適中，有肉味；另外佢嘅燒雞皮都好好食，燒到唔會太乾身，仲保留到油份；佢個辣椒醬係店家自家製作，唔會太辣，好香好惹味。聽職員介紹呢度嘅dinner set 只係$68就有一碗飯加玄米茶，有一個小遊戲抽獎，食晒個飯個碗底就知係咩獎品😎😎下次又試吓先。食完啲比較重口味嘅串燒，職員再介紹另外兩款比較清新嘅Cocktail。First love: 成杯粉紅色好適合打卡🥰🥰以西柚熱情果嘅Gin 做base，入口酸酸甜甜好適
店員介紹左我哋飲幾款唔同的cocktail配以串燒黎食。
Espresso Martini: 以Rum做base，再加上咖啡酒同黑啤，面頭個層泡係手搖出黎，入口第一啖先有棉滑嘅口感，之後仲有淡淡的咖啡味。
另一杯係Espresso Tonic，以咖啡味嘅Gin做Base 再加Tonic Water，有回甘的咖啡味。
呢度嘅串燒每款都係$12至$20 ，以港式串燒為主，特別推介牛肉串燒，肥瘦適中，有肉味；另外佢嘅燒雞皮都好好食，燒到唔會太乾身，仲保留到油份；佢個辣椒醬係店家自家製作，唔會太辣，好香好惹味。
聽職員介紹呢度嘅dinner set 只係$68就有一碗飯加玄米茶，有一個小遊戲抽獎，食晒個飯個碗底就知係咩獎品😎😎下次又試吓先。
食完啲比較重口味嘅串燒，職員再介紹另外兩款比較清新嘅Cocktail。
First love: 成杯粉紅色好適合打卡🥰🥰以西柚熱情果嘅Gin 做base，入口酸酸甜甜好適合女仔飲。
紫蘇梅酒: 呢個係日式嘅口感，入口有好香嘅紫蘇味，可以俾味蕾清新一下。
呢度除咗有唔同類型嘅表演，仲可以掉標，設有室內同室外嘅座位，酒吧寬敞，空間感好足夠，好適合一大班朋友嚟聽歌飲嘢。
张贴
