愛上米線 (漆咸道南) (已結業)

星期五想食個快飯先再去睇戲，就試吓呢間經常經過嘅米線舖。我哋叫咗一串手作魚腐同埋一個二人餐。首先嚟咗個小食先，呢串手打魚腐有齊三種味道：冬䕃公、櫻花蝦、粟米。其實個魚腐有啲似炸鯪魚球再灑啲海苔粉上面。魚腐幾紮實爽口，真材實料。我最鍾意櫻花蝦味，鹹香鹹香，惹味😋激爽泡椒酸菜肥牛湯米線依個酸辣味都幾香濃，酸辣嘅比例辣比較重，都幾辣下，唔食得辣嘅人會食唔到。不過我哋鍾意食辣，呢碗米線都食得好過癮。配料方面牛肉就一般正常貨色，酸菜好開胃份量都幾多，而且好爽👍🏻爆炒京蔥黑椒牛舌飯其實你呢間舖頭通常都會揀食米線，不過我見呢個飯好吸引，忍唔住揀咗。真係勁多京蔥，黑椒味好濃郁，啱晒我重口味人士。我淨係用呢啲汁撈飯都已經覺得好好食。講返個牛舌先，切到薄片薄片咁，所以好爽，一啲都唔會韌，每天都沾滿醬汁，好味😋香噴噴奶黃金沙豬柳肉呢個豬柳肉炸得好酥香，肉質唔會好乾，好似有少少香茅豬扒嘅味道，然後再用上鹹蛋黃醬，甘香甘香😍胡麻爽甜秋葵食咗咁多嘢，要食返啲蔬菜，我哋就揀咗秋葵， 配上胡麻醬造成沙律咁嘅涼菜，幾清爽👍🏻二人餐仲包咗兩杯嘢飲，我哋就揀咗熱檸檬柚子蜜，食埋嘢之後飲番杯，幾舒服。