Dozy

营业中

休息中

由英皇道熱鬧地段行入黎，經過一輪車房同舊式店鋪，轉角見到Dozy個木系招牌真係有啲意外。鋪頭入面係另一片天地——水泥牆身配原木枱凳，天花吊住幾盆綠蘿，工業風混搭自然元素，冷氣夠涼得嚟播住輕音樂，同出面車房打鐵聲完全兩個世界。上枱見到鋪滿蟹肉絲同橙紅明太子，溫泉蛋一篤穿，蛋漿撈勻忌廉汁掛滿每條意粉。明太子鹹鮮味突出得嚟唔會死鹹，蟹肉份量冇欺場，最驚喜係食到尾都唔覺膩，抵讚！拉花企企理理，入口先係綿密奶泡，跟住焙茶炭香慢慢滲出嚟。甜度控制得幾好，飲到底都冇沉澱茶渣，凍飲應該都唔錯。埋單百零蚊，以咁嘅環境同食物質素，個人覺得合理。下次想試佢個抹茶巴斯克，見到隔離枱件蛋糕幾靚仔。