贊和豆品

营业中

休息中

今日喺荃灣路德圍贊和豆腐花，叫咗兩碗豆腐花，價錢超抵，七蚊一碗。雖然係閒日三四點，但係依然有人喺度排隊，生意相當唔錯。今次叫咗一個凍薏仁白果豆腐花同凍黑芝麻豆腐花，我幾鍾意啲薏仁白果，但係黑芝麻就一般般啦比較水D，豆腐花好滑，但係冇乜豆味。好似比以前退步咗，記得以前黑芝麻糊會濃鬱啲。呢度仲可以自己加唔同嘅配料，呢個價錢算係幾抵食，不過味道就一般般啦。桂花冰糖味道唔錯，另外見到佢有花奶味，下次可能會試下。