湯之谷 (已搬遷) 新店位置

又係去尖沙咀東部做嘢，響紅磡站經過行人天橋行落嚟，今次想試吓飲個湯，所以見唔到湯之谷就走過去試吓，始終位置方便一落橋就見到。叫咗一個止咳，潤肺豬肺湯。味道都算係可以嘅，都幾大碗，裏面有豬肺同埋啲瘦肉，本身佢都俾咗包鹽，一來可以放湯，二來可以用來點啲湯渣嚟食，都算可以。另外原來加$10就有個肉餅飯，所以當佢係一個餐咁買覺得仲抵，個肉餅飯都唔算細份，食完飲埋個湯其實都好足夠。另外加多$20仲有個甜品，今次叫咗個燉蛋試吓，識落都幾香幾滑，同埋份量都好足夠。