樂咖啡室 (已結業)

由於之前食過覺得都幾好，而且環境相當幽靜舒服，所以今日下午我們再去咗旺角奶路臣街嘅「樂咖啡室」食下午茶！我們叫咗熱狗嘅熱狗腸都幾大條粗身，而且都幾脆皮，包質亦好軟熟！煙三文魚配碎蛋沙律窩夫嘅頂層係芳香嫩滑嘅煙三文魚，中間係香滑嘅碎蛋沙律，底層係香甜鬆軟嘅窩夫，令到口感相當豐富！鷄肉牛油果三文治係烘過，而且烘得都幾香脆，夾著鬆軟嘅鷄肉同軟滑香濃嘅牛油果，感覺好清新，唔會有好膩嘅感覺！另外！加$10就可以有碗羅宋湯，味道好濃郁，湯料相當豐富！