大紅袍火鍋料理 (已結業)

裝修走中式復古風，燈光柔和，座位寬落坐得舒服，仲有好多張大檯，一大班朋友聚會或者家庭聚餐都好岩！見有身份證Number discount, 即刻去試下～Hotpot @dahongpaohk❤️椰子雞湯底 即場將兩個椰青同半隻雞加份湯底入面，椰香味濃郁，雞肉嫩滑，湯底好清甜好滋潤，飲完暖胃又滿足～🧡秘製滑牛肉 牛肉新鮮，切片厚薄適中，拌埋生蛋，入口更加滑嫩💛手打四寶丸 全部手打製作，蝦丸特別口感彈牙，鮮味十足，每款都值得一試💚招牌三拼餃 三款餃子各有特色，都係新鮮製作～黑松露肉蟹餃非常香，一咬開已經係濃濃黑松露香味～雙籽鮮蝦雲吞鮮甜多汁，韮菜餃味道濃郁，皮薄餡靚!!​💙椒鹽九肚魚 九肚魚炸到金黃酥脆，外脆內嫩，椒鹽調味適中，香口惹味💜咸柑桔檸檬梳打 清新解渴，微甜中帶酸，咸咸甜甜，梳打氣泡感十足，打邊爐飲返杯，清爽又解膩