巷仔豬骨粥 (已搬遷) 新店位置

啱啱接女友收工去食野，見咁多師兄話呢間巷仔好食，但資料寫開舖時間要11:30，都唔理咁多，一於行去睇下試下運氣！哈，原來依家佢營業時間係22:30-02:30，有幸一試真係彩。一坐低，無餐牌睇，咁就要兩碗豬骨粥、一碟腸粉同一碟炒麵啦！柴魚花生皮蛋豬骨粥，非常足料，咸豬骨好夠味，粥好棉，正！腸粉好滑，細細粒一口一粒，兩個人食到唔夠喉。炒麵多芽菜，乾身夠味。巷仔都乾淨企理唔污穢，就算同女友一齊去都唔怕比佢炸型啦。