Wheatfield X 羅宋湯專門店 (青衣城) (已結業)

全盛時期在旺角，銅鑼灣，中環都有開分店，現時只剩下較偏遠地區的三間分店，大概都知咩料啦。以平時茶餐廳或西餐廳個餐湯 - 羅宋湯為主題的餐廳，其實碗湯飲落味道唔差，但真係唔算好特別，算幾多料，大量雜菜，大大舊牛肉有三件，唔係太腍身，但還好唔痴牙。①  秘製醬油撈麵套餐 $68餐廳有不同套餐配搭，這個套餐就一碗醬油撈麵加羅宋湯，配凍飲要另加$8。上海麵份量算足夠，但就真係得醬油，蔥，炸蒜。基本上無叫小食的話，個餸就係羅宋湯渣。佢友人點經典羅宋湯套餐 $72，貴過撈麵幾蚊，就係得個餐包同一球薯仔沙律，感覺唔係好抵食。不過呢個餐配凍飲只需加$3。