影片
更多
2025-05-10
433 浏览
新泰（馬鞍山）一次令人極度失望嘅泰菜體驗今次幫襯呢間泰國餐廳真係大失所望，每道菜都充滿槽點，完全冇泰國菜應有嘅風味同水準。 肉碎生菜包（$88）肉碎乾爭爭，調味極淡，得個辣字，食落似隔夜翻炒嘅貨色。所謂「走辣」都仲係好辣，連基本嘅香茅、魚露香氣都欠奉，同正宗泰式生菜包完全冇得比。 鐵板蠔仔炒蛋（$118）上枱時鐵板脹卜卜，以為好足料， 原來都係蛋下的芽菜置高。蛋炒得過老，又油淋淋，食落膩到反胃。所謂「蠓仔」完全冇鑊氣，味道淡而無味，只有油膩感。 泰式蝦炒金邊粉（$118） 從來最鍾意食嘅pad thai 今次絕對大失所望，好少會唔好食嘅。呢碟係完全無味，金邊粉炒到一嚿嚿，黐埋一齊，蝦肉少，配料少得可憐，連基本嘅花生碎同青檸都俾得吝嗇，整體求其到極。 食物難食已經夠絕望，再收加1服務費，人均$179.5嘅價錢，換來咁嘅質素，絕對唔會再返轉頭！ 一路食一路有蚊子飛來飛去。總結由食材到烹調都馬虎了事，完全唔值呢個價錢。如果想食正宗泰國菜，呢間絕對係地雷！
今次幫襯呢間泰國餐廳真係大失所望，每道菜都充滿槽點，完全冇泰國菜應有嘅風味同水準。
肉碎生菜包（$88）
肉碎乾爭爭，調味極淡，得個辣字，食落似隔夜翻炒嘅貨色。所謂「走辣」都仲係好辣，連基本嘅香茅、魚露香氣都欠奉，同正宗泰式生菜包完全冇得比。
鐵板蠔仔炒蛋（$118）
上枱時鐵板脹卜卜，以為好足料， 原來都係蛋下的芽菜置高。蛋炒得過老，又油淋淋，食落膩到反胃。所謂「蠓仔」完全冇鑊氣，味道淡而無味，只有油膩感。
泰式蝦炒金邊粉（$118）
從來最鍾意食嘅pad thai 今次絕對大失所望，好少會唔好食嘅。呢碟係完全無味，金邊粉炒到一嚿嚿，黐埋一齊，蝦肉少，配料少得可憐，連基本嘅花生碎同青檸都俾得吝嗇，整體求其到極。
食物難食已經夠絕望，再收加1服務費，人均$179.5嘅價錢，換來咁嘅質素，絕對唔會再返轉頭！ 一路食一路有蚊子飛來飛去。
總結
由食材到烹調都馬虎了事，完全唔值呢個價錢。如果想食正宗泰國菜，呢間絕對係地雷！
张贴
