影片
更多
2018-07-30
414 浏览
由於之前嚟食過已經覺得回味無窮，好想快啲再嚟食過，所以我們今日喺元朗做完嘢之後，就去咗錦田城門新村嘅「路邊小廚」食晚飯！一開始我們叫咗老火例湯：生熟地煲豬骨湯、鐵板薑蔥爆魚鰾同杏汁燉豬肺湯，因呢三樣嘢都係我們上次食過覺得超正㗎！如果大家有留意開本人寫嘅食評都知道，本人一家都係超級鍾意飲湯，所以就叫晒兩款湯，生熟地煲豬骨湯同杏汁燉豬肺湯係同上次一樣都係咁真材實料，因湯料嘅份量多到可以令到我們食得非常飽肚，所以湯底嘅味道超級鮮甜濃郁，特別係杏汁燉豬肺呢個，因湯底濃郁嘅程度好似飲緊牛奶咁，質感極之芳香幼滑，真係超正呀！而生熟地煲豬骨除咗都係咁正同咁足料之外，每煲都祇係賣$28咋，真係超抵飲呀，可以話係仲平過自己喺屋企煲，所以飲完第一煲之後，我們就再叫多煲嚟飲！鐵板薑蔥爆魚鰾嘅薑蔥香味滲透晒入啲軟滑爽脆嘅魚鰾入面，而且份量係相當多，仲要多過配菜嘅豆卜，真係值得一讚！黑椒茄子魚雲煲真係炒得鑊氣十足，魚雲係有輕輕炸過，但表面嘅炸粉唔會好厚身，肉質就相當鮮甜嫩滑，至於黑椒醬汁嘅濃稠度調教得恰到好處，唔會過稠或過稀，而且味道非常惹味！總括：祇係用$28就可以飲到呢煲好足料嘅老火例湯，就算自己喺屋企煲都
總括：祇係用$28就可以飲到呢煲好足料嘅老火例湯，就算自己喺屋企煲都唔祇係呢個價錢，所以就算特意坐車嚟飲，都係值得㗎！不過有個小小嘅溫馨提示畀大家，就係呢度係逢星期日休息，所以嚟之前記得要留意呀！
老火例湯：生熟地煲豬骨湯
19 浏览
0 赞好
0 留言
鐵板薑蔥爆魚鰾
13 浏览
0 赞好
0 留言
鐵板薑蔥爆魚鰾
22 浏览
0 赞好
0 留言
杏汁燉豬肺湯
14 浏览
0 赞好
0 留言
黑椒茄子魚雲煲
17 浏览
0 赞好
0 留言
12 浏览
0 赞好
0 留言
张贴
