特登開個acc黎讚一讚啦!
今次食飯係想幫男朋友慶祝生日的, 因為同佢都想搵個平平淡淡靜靜地既地方輕鬆下就得, 唔想太貴.
上黎openrice做左一輪research, 就見到依間cafe食評大多數都正面, 就膽粗粗試下啦~
首先係早3,4日打去book位, 老闆(唔知係咪老闆啦, 總之係負責人)服務態度好好,
我另外仲diy左蛋糕問老闆可唔可以早一日放o係佢地到, 等男朋友有個驚喜, 答案係: 當然得啦! 你鐘意即日黎/前一日黎都得!
係唔需要任何切餅費, 讚好!
慶祝當日同男朋友去到啦, 環境好靜無咩人, 但係前一晚我領蛋糕黎係人山人海, 好彩今日少人d
叫左薰衣草花茶; 蜜糖腸; 吞拿魚芝士意粉; 薯條; 鹽酥雞飯; 蜂蜜紅茶
上菜既速度都ok呀, 10分鐘到之後就開始黎喇d野食
唔係個個有影相因為掛住同男朋友睇電視 (老閤開左叮噹演唱會比我地睇
)
薰衣草花茶,
個人勁鐘意薰衣草, 幾好飲, 好香
吞拿魚芝士意粉,
味道有少少淡, 唔知係我食慣濃味野定係點, 男朋友覺得十分好食
圖後面隱約見到有薯條, 真係無影到其他野食咯
薯條好香好多好熱, 係新鮮炸的
鹽酥雞飯有埋煎蛋同豆, 又係即叫即炸, 好熱好香, 好味!
蜂蜜紅茶, 飲左幾啖, 味道同出面飲既唔同但係講唔出有咩唔同, 普普通通丫依個
蜜糖腸, 都係熱的, ok啦味道同一般蜜糖腸一樣, 唯一有驚喜係佢真係超級超級多蜜糖, 食到好開心
兩個人係食唔曬既, 最後老闆們幫助我o係廚房領蛋糕出黎比驚喜男朋友,
包括幫我執返靚個蛋糕 (因為筆者既蛋糕o係運送途中發生過意外:(), 仲幫我點埋蠟燭, 一齊唱生日歌
埋單$207= 咁好服務+食得飽飽+環境夠靜+晚市價錢
真係幾唔錯!!!! 誠意推介!
同場仲有3隻大熊bear bear, 好好攬林之之, 影相一流.
*係樓上舖黎既, 行上去都有少少恐怖架:)
舖位唔難搵, 岩d想普普通通食餐飯又唔貴, 吹下水hea下既朋友同情侶啦.
