梨和園韓日料理 (已結業)

超级差~ 食物选择唔多 又唔太新鲜 招呼更加系差劣 本来一家6口谂住开开心心食餐饭 妈咪话想食韩烤 所以选咗呢间试吓 打电话订位时都问咗佢有冇时间限制 佢答有2小时以上 去到见到佢写住4位以上只有1小时45分钟 算 我哋食个半钟左右 有个小姐叫我哋埋咗单先 可以慢慢食 仲话有寿司送 咁我哋咪埋单先law 唔够一阵 有人问个炉收唔收得 我哋有2个炉 咁我哋话收住一个先啦 留返一个 佢粒声唔出 收哂2个炉 佢收第2个时 我哋话要留 问佢系唔系换过个铁板俾我哋 哈 佢又点吓头 咁当然冇俾返我哋啦 跟住不停有人过嚟收d食具 叫佢哋唔好收 又扮听唔到 最搞笑有个类似经理嘅物体嘅四眼佬 无端端过嚟非常冇礼貌咁话 "喂 你哋好快d喇㖞" 咁就行开咗 咁我哋都谂住 算 妹妹食埋佢送𠮶件寿司就走 点知佢哋嚟咗3个人执我哋张枱 收咗妹妹对筷子 于是妈妈传咗佢对筷子俾妹妹用 佢哋接住收埋 成张枱d嘢收哂 净返碟寿司 卒之要发火闹佢哋 先攞返2套碟同筷子嚟... 激死 其实你赶住要枱唔紧要 通知一声就可以 冇可能唔声唔声咁收客人食紧嘅嘢 感觉好侮辱 仲要出到门口系冇人等紧枱...