今次終於"的"起心肝寫篇食評比佢~~
話說幾年前有次去singapore 出trip, 經過某商場, 呢間popcorn店大排長龍
當時香港應該仲未有分店的
singapore 同事見到我流哂口水, 第二日買左一包比我地試下
嘩!!! 當時真係一試難忘
未食過咁好味的popcorn架
之後佢來左香港開分店.... 自此我次次去親ifc 都忍唔住要買一包黎食
個人就比較鍾情焦糖味, 反而芝士味我就覺得麻麻地~~
但佢近呢一兩個月出左朱古力味, 都好正架!!! 不過價錢就貴好多!!!
舉例: 平時一包普通味細size 好似35蚊咋嘛, 但如果你買 朱古力mix 焦糖, 要成60蚊
仲要唔可以成包都係朱古力....
一定要你mix 一半普通味, 呢個位有d 霸道, 同埋比人感覺是有點搵笨
(話雖如此....我依然都係會幫襯佢的!!哈哈哈)
朱古力味可以揀milk 定dark, 我地上次試左milk, 太甜
今次就揀左dark , 再mix 焦糖, 中size
1
配合CNY, 個紙袋都好靚
其實係幾搵笨的~~ 感覺上朱古力佔的比例係冇50% 咁多.....
不過 我想講, dark chocolate 真係好好好好好好好好味!!!!!!!!!
食到我同女友生飛滋, 都要繼續食,,哈哈哈,, 所以我依然會比個好評佢的~
