休閒茶座 (已結業)

復活節假期黎到大水坑踩單車，係踩單車之前梗係要食啲嘢補充下能量先。喺大水坑單車公園附近見有間茶餐廳就入咗去試啦，點知都真係麻麻地。雞扒薑蔥撈一丁 ($38)雞扒係相當之正常嘅，但係個薑蔥撈一定真係唔好食。睇相可以見到根本就唔係薑蔥，而係薑蓉然後一啲都唔香，加上個面佢本身有少少勁稀嘅豉油，撈埋啲薑蓉，真係覺得一啲都唔好食。牛扒配半份西多士 ($38)比起頭先個撈一丁，呢個就正常好多。牛扒雖然係薄啲但係都幾大塊，西多士都正常。我自己都估唔到茶餐廳最普通嘅撈一丁竟然都會咁伏，好彩價錢都幾平，同埋其他茶餐應該都正常嘅，當醫下肚都可以。