川双流烤全魚 (已結業)

最近不停落雨所以决定黎呢间四川菜馆食辣野去湿。当然，我的首选系招牌菜 - 麻辣鱼(怕大辣太劲所以要中辣，如果中辣未够辣可以问伙记加辣, 我地要左半边，份量足够喂饱两三个人)同酸辣粉(干捞), 另外点孜然牛肉羊肉串各一。孜然牛肉串羊肉串先上。觉得跟喺成都同上海食嘅串烧唔同。成都同上海嘅串烧真系炭烧同好重孜然同香料味道，所以好惹味。呢度嘅系油炸所以略嫌油腻，孜然味唔重可能系怕香港人唔惯，始终呢间餐馆做嘅系街坊生意。而且羊肉已经喇到无臊味，对呢份臊味情有独钟嘅我自然失望。牛肉串份量比羊肉多。整体来讲两种肉串嘅味道还是OK嘅。酸辣粉同成都又唔同。成都嘅酸辣粉只用酸菜同菜本身嘅醋令个粉有酸味。呢度嘅粉另外落咗好多白醋，搞到个粉过酸，好辛苦先食得完半碗。麻辣鱼中辣未够成都嘅辣，不过都已经好够辣，而且太辣反而会盖过鱼嘅味道。鱼系先烤过再放落辣椒汤入面，但系仍然非常滑(有部分肉仲系刚熟)! 劲正～正到连跟鱼送嘅白饭都唔记得食! 里面嘅芹菜同芽菜吸收咗汤汁入晒味, 唔错。食到一半，个嘴好麻….. 过足麻辣瘾! 剩系呢条鱼都已经值得专程去食!最后伙计小姐送一碗冰粉我试。冰粉本身无味道，呢个甜品靠嘅系黄糖水