くまちゃん温泉

詢問店員有無火鍋，店員話只淨返一個鍋，我地一行三人，諗住share個鍋都可以，就坐低。店員俾左一張已經有人填過嘅火鍋點餐紙我睇，咁我睇完就準備叫食物。佢一睇張紙，見張紙寫左4個湯底，就鬧我話「我得返一個鍋，你入嚟嘅時候我已經講左，你呢度寫左4個，我俾唔到你。」
咁我話「下？呢個唔係我寫架喎，你俾我架喎。」
就算真係個客寫左4個鍋，都唔需要咁嘅態度呀？完全趕客！更何況張紙到我手嘅時候已經寫左野，咁關我咩事呢？
最後我話「我地唔食喇，唔該。」然後走左。