板前壽司 (已結業)

睇黎我真係好耐黎呢度食嘢，而家先知佢轉左用iPad點菜。用佢黎點菜的確方便快捷，據我地既體驗，上菜程序同速度都好順暢，仲幾快手。因為岩睇完戲都十點，所以好肚餓，男朋友就係甘點。先黎個蟹湯，其實就係麵豉湯加左四分一隻蟹，就係多左一份鮮甜，但我覺得個湯同隻蟹味道吾太夾，可能麵豉湯太濃；另一方面，齋食隻蟹又幾鮮甜，幾好味。之後叫左壽司，食開都知佢係單點，吾係一碟兩舊個種，反而適合一個人黎食，吾驚叫多食吾哂。壽司全部都有水準，肉質新鮮，雖然未至於叫肥美鮮甜，但比好多放題店好食好多。今次最為驚喜既係牛肉蕃茄湯烏冬。圖片所見係痴男朋友分左啲黎食既份量，佢原本係幾大碗，夠飽肚。佢既牛肉好香，食落雖然有啲煮老左小小，但勝在係靚牛肉，愈趙愈感受到佢既油脂慢慢滲出牛肉香味。烏冬算滑溜，但淋左啲，所以食落吾夠彈牙。至於湯底好有誠意好，可以見到滿滿一碗既蕃茄蓉湯。兩個人埋單二百幾，岩岩夠飽，算吾貴。後話：職員趕收鋪，食緊個陣不停係你身邊執嘢，仲拎走埋樽鼓油，又催埋單，係有啲騷擾，但明白既。只係想好好地食餐飯就吾好預甘蚊。